Віцебская вобласць

Vitebsk Region

Віцебск. Чацвёрты па велічыні горад краіны, які ўзнік там, дзе рака Віцьба ўпадае ў Заходнюю Дзвіну, Віцебск стане выдатным месцам адпачынку. Выдатны час для падарожжа - гэта ліпень, калі горад прымае штогадовы міжнародны фестываль мастацтваў «Славянскі базар». У гэтым горадзе таксама знаходзіцца музей сусветна знакамітага мастака-мадэрніста Марка Шагала.

Полацк. З Віцебска дарога накіроўваецца на паўночны захад, туды, дзе размешчаны адзін з самых старажытных гарадоў усходніх славян - Полацк. У гэтага беларускага горада неверагодна багатая гісторыя і не менш разнастайная культурная спадчына. Полацк заслугоўвае ўвагі, бо тут вы зможаце наведаць старадаўні Сафійскі сабор, Спаса-Еўфрасіннеўскі жаночы манастыр, а таксама на свае вочы ўбачыць не менш знакаміты Барысаў камень.

Браслаў. Нацыянальны парк «Браслаўскія азёры» - гэта унікальнае запаведнае месца на мапе Беларусі. На тэрыторыі агульнай плошчай 700 квадратных метраў размешчана 30 азёр, якія разам з вялізнымі ляснымі масівамі хвоі робяць паветра неверагодна чыстым. Тут можна парыбачыць, адправіцца на паляванне, паплаваць, а можна проста сам-насам са сваімі думкамі любавацца веліччу і прыгажосцю беларускай прыроды.

Чытаць таксама

Ашмяны. Кавалачак Літвы ў Беларусі

Ашмяны - горад у Гродзенскай вобласці. Горад і мясцовасць, якія належаць сучаснай Ашмяншчыне, калісьці знаходзіліся ў межах этнічнай тэрыторыі Літвы.

Рэзідэнцыя Дзеда Мароза ў Белавежскай пушчы

Адна з знакамітых турыстычных славутасцяў Беларусі - Сядзіба Дзеда Мароза ў Белавежскай пушчы. Круглы год галоўны навагодні чараўнік прымае гасцей у самым вялікім і старажытным лесе Еўропы.

Мазыр. Край драўляных замкаў

Мазыр - горад у Гомельскай вобласці Беларусі на рацэ Прыпяць. Мазыр вядомы як цэнтр нафтаперапрацоўкі, машынабудавання і харчовай прамысловасці ў Беларусі. Тут размешчаны адзін з найбуйнейшых нафтаперапрацоўчых заводаў у Беларусі!