Мінск, тэрыторыя культуры

Minsk, Territory of Culture

Культура Беларусі вельмі багатая і разнастайная. Цэнтрам гэтага культурнага жыцця з'яўляецца горад Мінск. Шматлікія музеі, тэатры, кінатэатры, мастацкія галерэі, канцэртныя залы і выставачныя пляцоўкі горада захоўваюць гэтую культуру і ўзбагачаюць яе год за годам. Менавіта таму культурны каляндар беларускай сталіцы настолькі насычаны падзеямі, якія абавязкова будуць да густу нават самым выбарчым знатакам культуры і мастацтва. Вашай увазе прапануецца спіс самых атмасферных падзей горада:

Ноч музеяў.

Штогод 18 мая ўсе музеі свету адзначаюць сваё прафесійнае свята. У гэты дзень наведвальнікі могуць ацэньваць экспазіцыі і выставы ноч напралёт. Акрамя таго, да гэтага дня музеі рыхтуюць спецыяльныя тэматычныя праграмы. Музеі Мінска - не выключэнне. Яны з'яўляюцца часткай міжнароднай акцыі, мэта якой - паказаць патэнцыял і магчымасці сучасных музеяў. У гэты дзень наведвальнікі мінскіх музеяў могуць убачыць унікальныя прадстаўленні і найцікавыя выставы.

Мінскі міжнародны кінафестываль '' Лістапад ''.

Гэта падзея, якая папулярная сярод аматараў кіно, праводзіцца ў Мінску штогод у лістападзе. Праграма кінафестывалю ўключае конкурсы мастацкага і дакументальнага кіно, а таксама кіно для дзяцей. Як заяўляюць арганізатары, ''Лістапад'' павінен спрыяць падтрымцы кінамастацтва, яго высокай культурнай і сацыяльнай значнасці, а таксама развіваць культурныя сувязі паміж краінамі. Падчас фестывалю гледачы могуць убачыць кінапрацы аўтараў з краін Прыбалтыкі, Цэнтральнай Азіі, Цэнтральнай і Усходняй Еўропы, Расіі, краін Паўночнай і Паўднёвай Амерыкі.

Выставы і кірмашы вырабаў беларускіх дызайнераў і рамеснікаў.

З даўніх часоў рамяство ў Беларусі лічылася сапраўдным мастацтвам, і край славіўся сваімі ўмелымі рамеснікамі. Сёння гэты від дзейнасці атрымаў новае жыццё і становіцца ўсё больш і больш папулярным. Цацкі і ўпрыгажэнні ручной працы, адзенне, вырабы з натуральнай скуры, хатні тэкстыль і сувеніры можна набыць на Выставе-кірмашы сувеніраў і падарункаў ручной работы «Млын», Кірмашы-продажы «Цэх 32», а таксама на аднадзённых модных маркетах беларускага дызайнерскага адзення і аксесуараў.

Даведайцеся больш аб іншых культурных забаўках ў беларускай сталіцы: Міжнародны фестываль тэатральнага мастацтва "Панарама", Мінскі міжнародны Калядны оперны форум, Навагодняе шэсце Дзядоў Марозаў і Снягурак.

Чытаць таксама

«Гэта мне па кішэні». Як добра адпачыць у Беларусі і не выдаткаваць шмат грошай.

Для таго каб падарожнічаць па Беларусі, не трэба мець «тоўсты» гаманец. Вось некалькі парад, як атрымаць ад адпачынку максімум задавальнення, выдаткаваўшы пры гэтым мінімум сродкаў.

Ідэі для сямейнага адпачынку ў Беларусі

Падчас падарожжа па Беларусі Вам прадставіцца велізарная разнастайнасць магчымасцяў выдатна адпачыць з дзецьмі. Упэўненыя, маленькія вандроўнікі атрымаюць масу задавальнення, зрэшты, як і іх бацькі.

Знак якасці: самыя вядомыя беларускія брэнды

Імідж краіны фарміруюць не толькі людзі, не толькі гарады, але і брэнды. Беларусь можа ганарыцца гэтымі брэндамі.