Палац Тызенгаўзаў

f5bbdc02c5e7

f5bbdc02c5e7

Палацавы комплекс у стылі класіцызму быў пабудаваны ў Паставах у другой палове XVIII стагоддзя для Антонія Тызенгаўза па праекце італьянскага архітэктара Джузэпэ дзі Сака. Пазней не раз перабудоўваўся наступнымі ўладальнікамі. Побач з палацам быў разбіты рэгулярна-пейзажны парк, які займаў плошчу каля 10 гектараў, ад якога цяпер засталіся толькі фрагменты. Пасля Другой сусветнай вайны ўнутраная прастора палаца была моцна перабудаваная для патрэб медыцынскай установы. У будынку да гэтага часу знаходзіцца Пастаўская цэнтральная раённая бальніца.

У 2006 годзе перад палацам быў усталяваны помнік Канстанціну Тызенгаўзу, вядомаму арнітолагу, які распрацаваў сістэму класіфікацыі птушак, якой карыстаюцца і сучасныя навукоўцы. Ён быў таксама аўтарам некалькіх ілюстраваных кніг па арніталогіі і стваральнікам арніталагічнага музея, які знаходзіўся ў палацы. У 2014 годзе падвальныя памяшканні палаца адрамантавалі, і ў іх была створана музейная экспазіцыя, якая расказвае пра дзейнасць Тызенгаўза.

Чытаць таксама

Руіны Крэўскага замка

Дзякуючы мноству легенд - ад аповедаў пра сакрэтныя тунэлі да гісторый пра замураваных дзяўчат - руіны Крэўскага замка з'яўляюцца адным з найбольш прывабных турыстычных месцаў у Беларусі.

Ружанскі палац

Палацавы комплекс у Ружанах - адзін з унікальных куткоў Беларусі. На працягу стагоддзяў найпрыгажэйшы архітэктурны ансамбль, які называюць беларускім Версалем, належаў магутнай дынастыі Сапегаў.

Нясвіжскі палац

Нясвіжскі палацава-замкавы комплекс з'яўляецца адным з найпрыгажэйшых і найбольш вядомых замкаў Беларусі. Яго выбітная архітэктура, паркавы ансамбль з'яўляюцца гістарычнымі і культурнымі каштоўнасцямі краіны, і ў 2006 годзе ён быў дададзены да спісу Сусветнай Спадчыны ЮНЕСКА.