Рэспубліканскі тэатр беларускай драматургіі

У склад тэатра ўваходзіць Цэнтр беларускай драматургіі, які арганізуе стажыроўкі, майстар-класы, семінары, цыклы іншых мерапрыемстваў, накіраваных на аказанне практычнай і метадычнай дапамогі пачаткоўцам-творцам. Цэнтр з'яўляецца адной з эксперыментальных творчых сцэнічных пляцовак, дзе свой патэнцыял можа рэалізаваць малады драматург або рэжысёр. Школу тэатра прайшлі ўжо каля чатырох дзясяткаў аўтараў. Разам з пастаноўкай п'ес беларускіх аўтараў, тэатр у мэтах прафесійнай адукацыі артыстаў ставіць п'есы сусветнай драматургіі на беларускай мове.

Прыток новых творчых сіл у сцэнічную трупу зрабіў тэатр улюбёнцам як мінскай моладзі, так і тэатралаў старэйшага пакалення. У калектыве тэатра больш за 30 таленавітых акцёраў, якія маюць яркую творчую індывідуальнасць і высокі ўзровень прафесіяналізму. Невялікая, утульная зала тэатра дапамагае акцёрам мець цесны кантакт з гледачамі, суперажываць таму, што адбываецца на сцэне. На сёння ў рэпертуары тэатра 27 пастановак, якія складаюць шырокі спектр жанраў і стылявых напрамкаў, цікавых гледачам усіх узроставых катэгорый. Тэатр арганізуе святочныя мерапрыемствы, выставы, прэзентацыі, дыскусіі і музычныя вечары, што пашырае палітру творчых прапаноў калектыву для аматараў тэатральнага мастацтва.

Чытаць таксама

Нацыянальны тэатр імя Янкі Купалы

Нацыянальны тэатр Янкі Купалы - адзін з самых папулярных у Беларусі. Тут Вы можаце паглядзець не толькі міжнародную класіку, але і беларускія класічныя і сучасныя спектаклі.

Беларуская дзяржаўная філармонія

Беларуская дзяржаўная філармонія пачынала свой шлях у 30-я гады ХХ стагоддзя, спачатку не маючы нават свайго памяшкання, у непрыстасаваных для рэпетыцый умовах, пазбаўленых акустычнага мінімуму, так неабходнага для стварэння новых музычных калектываў.

Беларускі дзяржаўны маладзёжны тэатр

Беларускаму дзяржаўнаму маладзёжнаму тэатру споўнілася 30 гадоў. У пачатку творчага шляху трупа тэатра рэпетавала ў розных дамах культуры і клубах, на чужых сцэнах.