Лідскі замак

Будаўніцтва замка было пачата ў 1323 г. вялікім князем Вялікага княства Літоўскага Гедымінам. Замак узводзіўся на насыпным пясчаным узгорку, акружаным балоцістымі берагамі рэк Лідзея і Каменка і ровам, які яднае гэтыя рэкі з поўдня і адлучаюць замак ад горада. За сваю гісторыю замак вытрымаў мноства бітваў і аблог. У XVIII ст. ён страціў сваё стратэгічнае значэнне і пачаў паступова разбурацца. У 1891 г. цэнтральная частка горада Ліда моцна пацярпела пры пажары, а камяні з паўднёва-заходняй вежы і часткі заходняй сцяны замка былі выкарыстаны для аднаўлення будынкаў, пацярпелых ад агню.

У 1920-х пачалася кансервацыя замка, якая завяршылася ў 1982 г.. У цяперашні час вядзецца рэстаўрацыя сцен і вежаў. Лідскі замак, як і Мірскі замак, знаходзіцца пад аховай дзяржавы. Лідскі замак адкрыты для турыстаў круглы год і прыцягвае тысячы наведвальнікаў. Улетку тут традыцыйна праходзяць тэатралізаваныя паказы і рыцарскія турніры. Узімку ва ўнутраным двары замка заліваецца каток.

Чытаць таксама

Музей-сядзіба І. Рэпіна «Здраўнёва»

Калі вы вырашыце спытаць у віцябляніна, што цікавага можна паглядзець у ваколіцах Віцебска, то хутчэй за ўсё пачуеце: сядзібу Рэпіна «Здраўнёва».

Палац Румянцавых і Паскевічаў у Гомелі

Гомельскі палацава-паркавы ансамбль - адзін з найпрыгажэйшых помнікаў архітэктуры Беларусі. Сёння ўнікальны музейны комплекс у цэнтры Гомеля аб'ядноўвае палац Румянцавых і Паскевічаў, капліцу-пахавальню, зімовы сад, назіральную вежу і цудоўны старадаўні парк.

Палац Тызенгаўзаў

Паставы вядомыя з 1552 года як прыватнае паселішча. У другой палове XVIII стагоддзя Антоній Тызенгаўз быў яго ўладальнікам. Яго ініцыятывай было будаўніцтва тут некаторых заводаў, ткацкай фабрыкі, млыну, гарбарнага завода, архітэктурнага комплексу жылых дамоў.